XX. mendeko Euskararen Corpus estatistikoa

Testuingurua

Ez estona, Eskual Herriari kalte egiten duzuela erraiten badute 1. Jean Pierre Curutchet, Gazte bat preso (Daniel Landart-i errepostua), Herria, 1965.X.65.

Ainitz gauza bada hor zenbait lerrotan.

Gizon emazteak nahas mahas etzanik erratearekin, kasik bat bestearen gainean ikusten dira eta pundu minbera zen hori garai haietan: dantzaldiak arratseko hamarretan gelditzen ziren, ez zelarik ilunzeinuak joitean.

Poliziak ere errespetu poxi bat merezi duela konpreni arazia zaiku.

Orai aipu bada turismoa, garai haietan oraino gehiago, hortarik igurikatzen baitzuten gure herriaren salbamena orduko arduradun politikoek.

Eta Euskal Herriaren itxura txarra ematen die ENBATA-k guretzat beharrezkoak diren turistei.

Karia hortara jakiten dugu erran merranetan ENBATA-ri leporatzen dioten gauza bat: Euskal Herriari kalte egiten diola.

Kalte alde batetik, eta deus baikorrik ez bestetik.

Beren diru guziak xahutzen dituzte alferretako afitxa batzu pagatzen:

Oraino ez dugu ikusi behin ere, Enbatarrik xutik ezartzen edo Pertsulari egun bat, edo Khantari egun bat edo eskual dantzen erakusteko toki bat.

Afixetan dirua igor orde, ene ustez hobe litake; obrak afixak baino gehiago emaiten du, ene gostuko 1. Jean Pierre Curutchet, Gazte bat preso (Daniel Landart-i errepostua), Herria, 1965.X.65

Hor ez ditu entzun erran-merranak aipu Curutchet-ek, berak sortzen ditu, non ez den itsutu bere artikulua idaztean.

Bera antzerkian Heletan ari eta badaki berekin, Enbatatiarrak ari direla herriko antzerki taldean; aste oroz Heletako taldearen laguntzera, Donibane Lohizunetik heldu den Telesforo de Monzon dela Enbataren sortzaileetarik bat.

Bere ama hil zitzaiolarik, bertsoak eskainiak zizkion Herria-n 2. J.P. Curutchet, De Monzon jaunari bertsuak. Herria, 28.10.65.